~ठाकुरमान लामा~
फेरि आयो मनमा नयाँ जोस छर्न
खुसी र उमङ्गको उद्घोष गर्न
भोलिका सुनौला दिन अनि बिहान
साँच्दै नयाँ सपना र कल्पना
आयौ तिमी फेरि हर दैलोदैलोमा
हिजोका ती नमिठा तिक्तता मेट्न
हिजोका थुप्रिएर रहेका रिक्तता भर्न
द्वेष र घृणाको खाडल पुर्न
माया अनि ममताको सागर बाँड्न
आयौ तिमी फेरि हर दैलोदैलोमा
जीवनलाई लालीगुराँसझै फुलाउन
प्रगतिपथको त्यो बाटोमा डोर्याउन
चिर्दै त्यो दुःखको भुमरीलाई
समुन्नत भविष्यको आशमा अनि मुस्कानमा
आयौ तिमी फेरि हर दैलोदैलोमा
स्वागत हे नयाँ वर्ष तिमीलाई
स्वागत छ तिमीलाई
हर दैलोदैलोमा
हर दैलोदैलोमा ।
(स्रोत : घटना र विचार राष्टि्य साप्ताहिकको इन्द्रेणी)
