~दिनेश अधिकारी~
तिमी यसै लजायौ म उसै धकाएँ
नबोल्यौ तिमी नै न मैले बोलाएँ
कति स्वप्न आए परेलीमा बस्न
नसोध्यौ तिमीले न मैले सुनाएँ
बैंशालु पाखाभरि कोही चरेझैं
नजरको नशालु कुलेसो तरेझैं
हुरी चल्छ मनमा तिमी भित्र छौ कि
मेरो दिल हरायो तिमीले लियौ कि
यो कस्तो हो माया मुटु बाँढिए झैं
म हाँस्दा अधरमा तिमी बाँधिए झैं
झरी पर्छ तनमा तिमीले छोयौ कि
म बग्दो नदीको तिमी बाँध हौ कि
शब्द – दिनेश अधिकारी
स्वर – रविन शर्मा
संगीत – राम थापा
