~राजेन्द्र थापा~
झिरमा ऊनिनु त्यो एउटा कुरा
पिरमा ऊनिनु त्यो एउटा कुरा
नभिज्ने आँखा कसको छ र
तर झर्नु नझर्नु त्यो अर्कै कुरा
मैले कहाँ भनेँ र पिरै पिर भो भनेर
तल तल खस्दा भिरै भिर भो भनेर
कराएरै जन्मेँ चुपचाप मरूँला
जतिसुकै खेलोस् मनमा कुरा
भाग्य कहाँ खसेर अन्धकार नै भएछ
झुकी झुकी बोल्दा अहंकार भैगएछ
हराएरै गए चुपचाप बसूँला
जतिसुकै खेलोस् मनमा कुरा
शब्द – राजेन्द्र थापा
संगीत र स्वर – दिप श्रेष्ठ
