~गणेश खड्का~
अब आँफै संबिधान लेख्नुपर्छ देशवासी
सबै मिली व्यवधान छेक्नुपर्छ देशवासी ।
धेरै आए लोभिपापी,व्यभिचारी थरिथरी
हामीले नै समाधान टेक्नुपर्छ देशवासी ।
हेर्नु हुन्न टुलुटुलु भूमिमाथी दादागिरी
शहिदको बलिदान थेग्नुपर्छ देशवासी ।
सबै जात भाषाभाषी अँटाएको थातथलो
मेची-काली परिधान देख्नुपर्छ देशवासी ।
बिलो बाँडी भागवण्डा लुछाचूँडी गर्नेलाई
पाता कसी अभिमान मेट्नुपर्छ देशवासी ।
आफ्नो भाग्य बनाउने अधिकार बराबरी
खोजी गरी स्वाभिमान भेट्नुपर्छ देशवासी ।
३० मे २०११
तदनुसार १६ जेष्ठ २०६८
भोजपुर
हाल : फ्रिगेट आइल्याण्ड ( सेसेल्स )
(स्रोत : रचनाकारको फेसबुकबाट सभार)
