गजल : ब्यूँतिने सपना हुँदैन

~कमल संघर्ष~

मूर्दाहरूमा पो ब्यूँतिने सपना हुँदैन
मान्छे हुन मान्छेमा किन बेदना हुँदैन।

उत्तेजित बनाइरहन्छन् मन्दिरहरूले
तैपनि टुँडालहरूमा उत्तेजना हुँदैन ।

कुनै डरका अघि चल्मलाएन सालिक
अब उसको मृत्युसँग सामना हुँदैन।

दौँतरी मलामी केही छुटे जस्तै ठान्छन्
अर्को पटक मूर्दा बोक्ने एकजना हुँदैन।

फलेको बृक्ष मुस्किलले उभिएको छ
कसोरी भनौँ अवसरमा यातना हुँदैन।