गजल : बल्झेर याद तिम्रो

~घनेन्द्र ओझा~

दुख्दै छ आज छाती बल्झेर याद तिम्रो
बग्दै छ अश्रुधारा छल्केर याद तिम्रो

टाढा भएर के भो छाया मसाथ नै छ
ब्यूँझै छ रातरातै झस्केर याद तिम्रो

बज्दैन धून मीठो सङ्गीत छैन मीठो
गाह्रो भएछ बाँच्नै सर्केर याद तिम्रो

तारा र जून हेर्दै बित्दै छ रात सारा
लेख्दै छु सेर यौटा कल्पेर याद तिम्रो

(स्रोत : प्रतिनिधि नेपाली गजलहरू – गजल सङ्ग्रह – सम्पादन : ललिजन रावल)