~धनराज गिरी~
स्वाभिमान जिन्दावाद, नारा जिन्दगीको
यही मेरो कमाइ हो सारा जिन्दगीको
गगन यही, सूर्य यही, चन्द्र पनि यही
बनेको छ स्वाभिमान तारा जिन्दगीको
सगरमाथाभन्दा उच्च हुनुपर्छ शिर
सरल-सम्यक् हुनुपर्छ पारा जिन्दगीको
रमाउँछौं पसिनामा नाच्छौं सादगीमा
थोरै-थोरै बनाउँछौं चारा जिन्दगीको
अविरल नदीजस्तै बगौं सिर्जनामा
सुक्नु हुन्न कैले पनि धारा जिन्दगीको
(स्रोत : प्रतिनिधि नेपाली गजलहरू – गजल सङ्ग्रह – सम्पादन : ललिजन रावल)
