~रामचन्द्र कार्की~
आउ हामी संगै फेरौ सास पिरतिको,
आउ हामी संगै खाउ गास पिरतीको ।
छुटिएर के बस्नु खै हामी वारी पारी,
आउ हामी संगै रोपौ घास पिरतीको ।
मायाकै हो यो संसार गरौ मलजल,
आउ हामी संगै बनौ दास पिरतीको ।
माया त्यस्तो सागर हो जान चलाउन,
आउ हामी संगै बसौ बास पिरतीको ।
देख्नु छुनु केही छैन मात्र अनुभव,
आउ हामी संगै थपौ रास पिरतीको ।
दुई दिन्को जिन्दगीमा शुभ मात्रै सोच,
आउ हामी सँग गरौ आश पिरतीको ।
December 15, 2011
रामचन्द्र कार्की
आँपपिपल-४ राईगाँउ गोरखा
हाल: रानीपौवा पोखरा-११, कास्की
(स्रोत : रचनाकारको ब्लगबाट सभार)
