~सुरज राना~
मेरो देश एउटा स्टुडियम बनेकोछ
जहाँ बुख्याचाहरुले कन्सर्ट गरिरहन्छन
केही बुख्याचाहरु
गरिबिको तार निर्ममता पुर्बक झट्काएर
बजाइ रहेछन गितार
केही बुख्याचाहरु
भोको देशको खोक्रो भुँडीमा
रेटि रहेछन भ्वाइलिन
केहि बुख्याचाहरु
सिमान्तकृत पहाडका ढाडहरुमाथी
आस्वासनको लठ्ठिले हिर्काइ रहेछन ड्रमसेट
केहि बुख्याचाहरु
किबोर्ड का किहरु जस्ता
जात,धर्म र सम्प्रदायको
टाउको माथि थिचेर जवरजस्ति
बजाइ रहेछन पियानो
नाइके बुख्याचा
इन्द्रजालिक शब्दहरु भट्भटाउदै
जोर जोरले चिच्याइ रहेछ माइक्रोफोनमा
दर्शकदिर्घातिर
भ्रमको नशालु गाजामा लठ्ठीएर
आफैले बाचेको युगको उपहास गर्दै
बेतुक र बेसुरमा
नाचिरहेछन भेडा जनताहरु
सुरज राना
धरान सुनसारी
(स्रोत : रचनाकारको फेसबुकबाट सभार)
