~एकु घिमिरे~
भुइँमा राख्दा बिगि्रन्छ भनेर
दलिनमा राखिन्छ पाकेको फर्सी
हेर्दा राम्रो-चाम्रो हुन्छ,
छाम्दा गिलित्तै राखेको फर्सी ।
कुहेछ, रछ्यानमा फ्याँकियो
सहस्र उम्रन्छ, बढ्छ र फल्छ,
फेरि पाक्छ,
दलिन ताक्छ !
दलितमा राख्यो मुसा लाग्छ!
मुसा मार्न बिरालो पाल्यो,
मुसादानी र विषादि फाल्यो
यता खर्च-उता खर्च
भरे हुन्छ अर्थ न बर्थ !!
फेरि छाम्दा फर्सी फ्यात्त
हेर्दा उस्तै, छाम्दा गिलित्त
हिजो राम्रो, कुहिन्छ आज
नेपालका नेता र पाकेको फर्सी ।
-सप्तकोसी एफ.एम., इटहरी
(स्रोत : मधुपर्क २०६६ बैशाख )
