~अनिल बराल ‘गरीब चिराग अछुत’~
भावनाको वृतमा संसार सारा हाम्रै हो
नेपाली आकाश भरी लाग्ने तारा हाम्रै हो |
समताको परिधिमा को ठुलो को सानो
पानी भर्ने सार्बजानिक कुवाघारा हाम्रै हो |
मेची काली भित्रका , प्रकृतीका कोटीहरु
हिउँचुलीको हिउँदेखि , त्यो रारा हाम्रै हो |
अनगिन्ती सौन्दर्यले सिंगारिएको नेपालमा
पुर्ब देखि पश्चिमका , छहरा पहरा हाम्रै हुन् |
नजिक छ सम्बन्ध , जो जहाँ रहे पनि
हिमाल तराई एउटै , यो नारा हाम्रै हो |
अनिल बराल ‘गरिब चिराग अछुत’
चरम्बी-५, मिलन बस्ति, भोजपुर
हाल – कतार
