~चिरञ्जीवी ढकाल~
५ वर्षमा २५ चाेटी लाेकसेवा/ निगम/ बैँक/संस्थान अादिकाे परीक्षा दिइयाे, कहिल्यै पास भइएन ।
मैले सरकारी जागिर खाने अाश मारेकाे थिएँ, २६ अाैँ पटकमा कताबाट फ्याट्ट न्याय सेवा काे डिठ्ठामा लिखितमा नाम निस्केछ ।
अागनका डिलाँ गएर सात फन्काे नाचेँ ।
अन्तर्वार्ताकाे दिन पाेखरा, लाेकसेवाकाे कार्यालय गएँ ।
*********
अन्तर्वार्तामा उपसचिव अाएका रहेछन्,
उनले साेधे – घर कता हाे?
मैले भनेँ – स्याङ्जा ।
उनी – सुन्तला हुने ठाउँकाे रहेछाै, कसैलाई सुन्तला दिनुपर्याे भने के भनेर दिन्छाै?
म बाेलेँ – यी लिनुस् सुन्तला…………
उनले भने – यसरी हैन, डिठ्ठा हुन खाेज्ने मान्छे, कानुनकाे भाषामा भन !!
मैले सुरू गरेँ –
स्याङ्जा जिल्ला सेतीदाेभान -३ निवासी,
म तिलकरामकाे नाति, बुद्धिसागरकाे छाेरा, चिरञ्जीवी,
अागे,
राजिखुशी भई, पूर्ण इच्छा राखी,
पूर्ण हाेस-हवासमा रही,
कसैकाे डरधम्की तथा दबाबमा नअाईकन,
याे फल, जसलाई सुन्तला भनिन्छ,
जसमाथि मेराे सम्पूर्ण स्वामित्व/हक छ,
अागे,
ऐ ऐ ऐ निवासी, बलबहादुरकाे नाति, कलबहादुरकाे छाेरा, दलबहादुरलाई,
पूर्वाेक्त फल सुन्तला बाेक्रारस गुदी र बियाेसमेत प्रदान गर्दै,
अागे,
याे कुराकाे अधिकार पनि बिनाशर्त सुम्पिन्छु कि,
तपाईं ऐऐऐ काे सन्तान दरसन्तान,
याे फल सुन्तलालाई काटेर खान, छाेडाएर खान, फ्रिजमा राख्न, #चुसेर खान या #जुस बनाएर खान या नखानसमेत स्वतन्त्र हुनुहुन्छ,
अागे,
तपसिलकाे अधिकार पनि तपाईँमा निहित रहनेछ कि, –
पूर्वाेक्त फल सुन्तला,
बाेक्रा, गुदी, रस तथा बियाे सहित या रहित,
अन्य कुनै पनि व्यक्तिलाई अाफुखुशी दान, बक्सिस, भेटी दिन/नदिन सक्नुहुनेछ ,
अागे,
साथमा, म घाेषणा गर्दछु कि,
अाजभन्दा पहिला, यस सुन्तलामाथि रहेका,
सम्पूर्ण अंशवन्डा, वादविवाद तथा मुद्दा मामिलाहरूकाे जवाफदेही ऐऐऐ म हुनेछु,
अागे,
अाज उप्रान्त याे सुन्तलासँग मेराे कुनै पनि प्रकारकाे प्रत्यक्ष/अप्रत्यक्ष सम्बन्ध रहने छैन,
भनी,
ऐऐऐ निवासी फलाना फलाना ५ जना साक्षी राखी सहिछाप गरिदिञाँ, पछि इच्छापत्र फेरबलद वा जालसाजी भए, कानुन बमाेजिम सहुँला बुझाउँला
*****
उपसचिव अघि नै बेहाेस् भैसकेका रहेछन्,
सुब्बा/अधिकृतहरूले गन्हाउने जुत्ता सुँघाएर हाेसमा ल्याए,
*****
रिजल्ट अायाे, तर मेराे नाम निस्केन ।
मेराे उग्र क्षमता देखेर डराएछन् क्यारे !!
अहिले खाडीमा १२ घन्टे डिउटी गर्दै छु ।
सेतीदाेभान -३, स्याङ्जा
हाल – युएई
(स्रोत : रचनाकारको फेसबुकबाट सभार)
