~कृष्ण पौड्याल~
पुरानो सम्बन्ध तोड्यौ र त स्वार्थी भनें।
पाईला अर्कै तिर मौड्यौ र त स्वार्थी भनें॥
सँगै बाच्ने मर्ने बाचा कसम खाएको हो।
घुम्टो पराईको ओड्यौ र त स्वार्थी भनें॥
सफल पार्न प्रेम संघर्ष गरिन कि।
नहुर्काई बिरुवा गोड्यौ र त स्वार्थी भनें॥
सक्दिन म भुल्न संगालेका सपनाहरु।
बियोगमा एक्लै छोड्यौ र त स्वार्थी भनें॥
गल्ती सच्चाउन आँशु झार्यौ बे अर्थका।
साईनो अरु सितै जोड्यौ र त स्वार्थी भनें॥
कृष्ण पौड्याल
बम्घा एक गुल्मी
(स्रोत : रचनाकारको ब्लगबाट सभार)
