~राजकुमार सुब्बा ‘अनिश्चित’~
सन् १९८६÷१२÷२८ गते सौरेनी सम्घिको भुटानमा जन्मिएका स्रष्टा हुन दिनेश चाम्लिङ्ग ‘अभिलाषी’ जिवनको सार खोज्नेलाई जब मनले चिताउँछ तब लक्षित र निश्चित ठाउँमा ती पाईलाहरु पुग्छन् । यसैको एउटा उदाहरणीय रुप हो चाम्लिङ्गको कृति “लक्षित पाईलाहरु” ! नेपाली साहित्य लेखनको क्षेत्रमा मुलत गजल लेखन र गजल कृतिहरु प्रकाशन हुने क्रमहरुको लहरमा पछिल्लो समयमा पाठकहरु माझ आईपुगेको अर्को कृति हो दिनेश चाम्लिङ्गको “लक्षित पाईलाहरु” आजको बसाई भरी यिनै स्रष्टा चाम्लिङ्गका कृतिसँगै पाठकहरुलाई पनि सँगै डोर् याउने प्रयत्न गर्दैछु ।
चाम्लिङ्गका “लक्षित पाईलाहरु”मा जम्मा ६ ओटा गजलहरु समाविष्ट छन् गजलहरु पढ्दा र हेर्दा लाग्छन् चाम्लिङ्ग गजलको संरचना भत्काउने र भत्किने कुराहरुबाट निकै सजगताका साथ अघि बढेको देखिन्छन् भने अधिकांश गजलहरु जिवन भोगाईहरु सँग जोडिएर उनिएका छन् भने माया पिरती र देश छोड्नु पर्दाको सास्वत पीडाहरु पनि चाम्लिङ्गका गजलहरुमा उत्तिकै भेटिन्छन् तिनै गजलहरु मध्ये चाम्लिङ्गका केही गजलहरु ः
१। उभिन्छन् जति बाधाहरु सबै ढालिरहेछु
यि लक्षित पाईहरु चालिरहेछु
चकिरहन्छ यो मुटु कहिले फाट्छ जिन्दगीनै
दर्दपुर्ण फाटोहरु बनि टालिरहेछु
जिवन भोगाइहरुको क्रममा यस्ता चोटका अनेकौँ सामनाहरु बीच पनि स्रष्टा चाम्लिङ्ग गजल भित्र आफ्नो जिवन्त खोज्छन् र आफ्नो प्राण रहुाजेल गजलका सुन्दर सेरहरुमा जिवनका अभिव्यक्तिहरु यसरी पोख्छन् ः
२। बाँचुाजेल आशै- आस र उल्लास रहेछ जिन्दगी
नमरुाजेल केवल एकमुठ्ठी स्वास रहेछ जिन्दगी
कहीँ काँडा बिझ् ने बाटो कहीँ फूल फुल्ने माटो
कहीँ चट्टान छत कहीँ भने भाष रहेछ जिन्दगी
यि गजलका सुन्दर सेरहरुबाट बुझ् न सकिन्छ कि स्रष्टा चाम्लिङ्ग पनि जिवनबाट टाढा रहन नसकेर आफ्नो अभिव्यक्तिका प्रस्तुत गर्न भ्याएका छन् भने आफ्नो पुरानो गाउँघरका स्मरणहरु यसरी गर्न पुग्छन् गजल मार्पुत ः
३। रमाईलो थियो मलाई मेरै त्यो गाउँघर
न धाक धम्की त्यहाँ कसैको थियो न त डर
धेरै भो आज त्यो गाउँ छोडेको पिन
कस्तो भयो होला जोडी पिपुल र वर
यिनै बोध गर्न सक्ने मस्तिष्कबाट निस्किएका यिनै सुन्दर गजलहरु पढ्दा लाग्छ चाम्लिङ्ग जी कुशल र शक्तिशाली गजलकार हुनुहुन्छ । लक्षित पाईलाहरुलाई लक्ष्यमा पुर् याउने वरिष्ठ कवि उपेन्द्र सुब्बा युवा प्रकाश आङ्देम्बे याम थुलुङ्ग अशोक बस्नेत लगायत अन्य समकालीन स्रष्टाहरुको योगदान पनि कदर गर्न लायक छन् । समग्रमा लक्षित पाईलाहरु लक्ष्यको उचाई नाप्न सक्ने एउटा अर्को गजल कृति हो भन्न रुचाउँछु ।
अन्तमा स्रष्टा दिनेश चाम्लिङ्ग “अभिलाषी” प्रति आभार प्रकट गर्दै कृति लक्षित पाईलाहरुलाई साधुवाद भन्दै यो बसाईबाट बिदा चाहन्छु ।
(स्रोत : पिपुल्स टाइम्स दैनिक )
