~रश्मिला कवाङ ‘रश्मि’~
छानी छानी नसमाउनुहोस यी हात हजुर
कहिले काहीँ सुनिदिनुस् हाम्रो पनि बात हजुर ।
सबैको रगत रातो हुन्छ, सबले यसो भन्छन्
शहरबजार तैपनि किन भन्छ जात हजुर ।
गाँस बास अनि कपासको हो जिन्दगी
त्यसैले त सधैं जिन्दगीमा गर्नुपर्ने पाठ हजुर ।
सुखमा त संसार सारा आफ्नै हुन्छ रे
दुख पर्दा विपत्तिमा कसैको छैन साथ हजुर ।
रश्मिला कवाङ “रश्मि”
मुलढोका-४, भक्तपुर
(स्रोत : रचनाकार स्वयंले ‘नयाँ रचना पठाउनुहोस्‘ बाट पठाईएको । )
