~पुष्पा खनाल~
मनको साथी पाए हुन्थ्यो पिर व्यथा साट्नलाई
सच्चा साथी पाए हुन्थ्यो एक्लो जीवन काट्नलाई
आकाशलाई भनौं भनें समेटिन सक्दिन कि ?
धरतीलाई भनौं भनें मा भेटिन सक्दिन कि ?
पक्का धागो पाए हुन्थ्यो मनको डोरी बाट्नलाई
सच्चा साथी पाए हुन्थ्यो एक्लो जीवन काट्नलाई
बादल संगै भनौं भनें फैलाई दिने डर
पानी संग भनौं भनें बगाई दिने डर
कोही आइ चाहे हुन्थ्यो मनभित्र बस्नलाई
सच्चा साथी पाए हुन्थ्यो एक्लो जीवन काट्नलाई
पुष्पा खनाल
म्हेपी, काठमाडौं
(स्रोत : रचनाकारको फेसबुकबाट सभार)
