गजल : आँसु रीत रहेछ जिन्दगानी

~गोविन्द लुइँटेल~

बाहिर हाँसो भित्र आँसु रीत रहेछ जिन्दगानी
कहिले मिलन कहिले विछोड प्रीत रहेछ जिन्दगानी

एउटा लेख्ने अर्को सुन्ने संगित त्यो संगितकारको
भाव स्वर मिलार्इ गाइने गीत रहेछ जिन्दगानी

ढाट छल कतिकति काँहि छैन सत्य वचन
यही भिडमा आखिर बाँच्ने जीत रहेछ जिन्दगानी

सोच्यो यौटा अर्को रुप कृष्णजीको लीला जस्तो
दुःख सुख बाँढ्ने फेरि मीत रहेछ जिन्दगानी

लरेन्स,
कान्सास अमेरिका

(स्रोत : Biranobasti)