~रामचन्द्र कार्की~
देशका लागि केही गर लाचार नबन,
जन्तालाई दुखी पार्ने समाचार नबन ।
शासन गर्ने पापी भए देश नै डुबाए,
रक्सीसँग खान मिल्ने अचार नबन ।
तिमी तातो रगत तिमी युवा जोशको,
फोड्न सक्छौ पहाड पनि दिक्दार नबन ।
नेपाल आमा रोइराछिन हेर्ने कसरी,
भस्ट्रचारी पस्न मिल्ने संघार नबन ।
देशको शान र इज्जत मुटुभित्रै राखि,
झुप्रो भित्रै खुशि बन दर्बार नबन ।
रामचन्द्र कार्की
आँपपिपल-४ राईगाँउ गोरखा
हाल: रानीपौवा पोखरा-११, कास्की
(स्रोत : रचनाकारको ब्लगबाट सभार)
