~भिम बहादुर थापा~
हरियाली काखमा
निक्लँदो बैशाखमा
पर्छ हिऊँ भने त
अवाक्, म के भनूँ ?
**
बसन्ती साँझमा
धुपको यो माझमा
चर्छ हिउँद भने त
अलमल्ल, म के गरुँ ?
**
शरद फाँडेर
नियति बाँडेर
चल्छ भेल भने त
नि:शब्द, म के भनूँ ?
**
मंसिर मोडेर
लगन त्यो छोडेर
सर्छ प्रीत भने त
पुषलाई म, प्रश्न के गरुँ ?
**
चन्द्रको रातमा
खुशीको खातमा
टर्छ नीद भने त
विवश, म के बनूँ ?
**
सदाको साटोमा
बिरानो बाटोमा
झर्छ दिन भने त
असमञ्जस, म के गरुँ ?
** **
भिम बहादुर थापा
वासिङ्टन, अमेरिका।
(स्रोत : रचनाकारको ब्लगबाट सभार)
