गजल : कर्णाली भाइहरु

~गुरुप्रसाद कुमाल ‘बुलबुल’~

खोजिरहेछ युवाहरुलाई कर्णाली भाइहरु ।
तर फर्किन्छन् बाकसभित्र नेपाली भाइहरु ।

दोष के हुन्छ र नवपालुवाको, हुर्कन दिइन्न
कोपिलामै निमोठिरहेछन् ती माली–भाइहरु ।

यहाँ सिङ्गो गाउँ मिचिन्छ, चुप लागेर बस्दा
ताँछिरहेछन् हेर, दिनदिनै खेतका आली भाइहरु ।

यो बाँदरले देखिसहन्न, मेरो गुँड भत्काइरहेछ
काटिरहेछन् ‘बुलबुल’ बसेको डाली भाइहरु

लमही नगरपालिका ७ सेमरहवा