गजल : समुन्द्र पारी आउँदैछु

~सूर्य चेम्जोङ~

आज म सात समुन्द्र पारी आउँदैछु
तिमीलाई भेट्न आबुधाबी आउँदैछु

यात्रा भरी काँडाहरु छेकिदिन्छ बाटो
पन्छाउँदै काँडा भागी भागी आउँदैछु

मस्जिद मन्दीर धाएँ चैत्य गुम्बा धाएँ
भगवान लाई हात मागी आउँदैछु

पाउन म तिमीलाई जे नि गर्न सक्छु
त्यसैले त घरबार त्यागी आउँदैछु

नसोध भो मेरो लागि के के गर्न सक्छौ
छोडेर नेपाल तिम्रो लागि आउँदैछु