~बासुदेव बुढाथोकी ‘सागर’~ 
कल्पनाको सुन्दर बागमा डुल्दा मजा हुन्छ,
मदिराको मादमा तिमी भुल्दा मजा हुन्छ ।
आरोप हैन, यो त प्रिये ! उपहार हो तिम्रो,
पानीमा नुन घुले सरि घुल्दा मजा हुन्छ ।
रमितेले जस्तो देखून्, जे जे भन्छन् भनून्,
रोटे पिङमा झुले सरि झुल्दा मजा हुन्छ ।
गमलामा फुल्ने फुल धेरै देखेँ मैले,
मलाई त प्यालाभित्र फुल्दा मजा हुन्छ ।
बढी पिएपछि नसा बढी भएपछि,
शरदको जुन खुले जस्तै खुल्दा मजा हुन्छ ।
(स्रोत : रचनाकारको फेसबुकबाट सभार)
