~अनुभव मञ्जरी~
बालुवाको घर बनाई मन भुलाई रहेँ
तिम्रो साथ नपाउँदा नि माया गरी रहेँ
यो मनले तिमीलाई नै खै किन रोजेको ?
दुःख पीडा बिसाउनलाई न्यानो पोल्टा खोजेको !
बाहिर हाँसी भित्र–भित्रै भक्कानेर रुन्छु
पाकेको मनको घाउमा आँसु हाली धुन्छु
तिम्रो साथमा जीन्दगीको यात्रा गर्ने तृष्णा छ
चाहना मनको यो पूरा हुन्छ हुन्न अब गम्भीर प्रश्न छ ???
बालुवाको घर बनाई मन भुलाई रहेँ
तिम्रो साथ नपाउँदा नि माया गरी रहेँ
(स्रोत : पल्लव साहित्य प्रतिष्ठान )
