गजल : आफै जाँचेर हेर!

~श्रृजना क्षेत्री~

आफ्नो मन लाई आफै जाँचेर हेर!
सिंगो जीवन कसैलाई साँचेर हेर!

कती दुख्छ घाउ बिछोड़ को प्रहर
छियाछिया भाको मुटु भाँचेर हेर!

कति गाह्रो हुन्छ एक्लै जिउन यहाँ
साहारा बिना कसैको बाँचेर हेर!!

सजिलो हुन्न याद मेटाउन कसैको
छाती मा तस्विर उस्को टाँसेर हेर!

पाउनेछौ आभास मुटु नै रित्तीएझै
उ सँग का प्रहर सबै नासेर हेर!

टुक्रिएको मुटु त्यो जोडिन्न कहिल्यै
चुर-चुर भाको सिसा गाँसेर हेर!

(स्रोत : पल्लव साहित्य प्रतिष्ठान )