~युद्धप्रसाद मिश्र~
लूटपाटले बलात्कारले
हत्याले हिम चुचुरो नाघ्यो
सबै अवस्थाले चुसिएका
हाडखोरको दुनियाँ जाग्यो
संगीन खेल्दछ पीडितमाथि
अथवा पीडित संगीनमाथि
न्याय उचाल्न जग लाग्यो ताँती
सत्य उठ्यो बलिदान समाती
हृदय हृदयको चर्को आगो
एकै मुश्लो बन्दै आयो
भाग भाग अब धरतीदेखि
देशद्रोही हो भन्दै आयो
आत्म र्समर्पण गर्न नमान्ने-
हरूको ठेलम्ठेला आयो
अमर अभेद्य जनश्रोत उमडिदै
युग परिवर्तन बेला आयो
(०४४ भाद्र )
