बहरबद्ध गजल : कहानी छ नौलो

~दलबिरसिँह बराइली “घायल”~

सुनायौ तिमीले कहानी छ नौलो ।
म साँच्चै भनौ त्यो जवानी छ नौलो ।

ति लाखौ जलेथे रुपैले भुसुक्कै
म आफै जलेको खरानी छ नौलो ।

भुलेछौ ति पीडा मलाइ दिएको
निको भा’नि बाँकी निशानी छ नौलो ।

न रुन्छौ न हाँस्छौ तिमी हौ र ढुङ्गा?
ल माया गरौँ है लगानी छ नौलो ।

म माया गरेरै भएको छु कैदी
छुटाई दिएनन् जमानी छ नौलो ।

बहर – मुतकारिब मुसम्मन सालिम

गुप्तेश्वर-३, रामेछाप ।