गजल : यै देशमा

~दीप दर्शन~

यौटा सुन्दर त्यो रचेर रचना छोडौ कि यै देशमा
राम्रो फूल टिपेर बास्न सितको जोडौ कि यै देशमा

माटोको ममता भुलेर अरुमा ईच्छा नराखौ कतै
त्यागी स्वार्थ सबै बिकाश मुल यो फोडौ कि यै देशमा

काँडाको बिचमा म हिड्छु सहजै चम्केर संसारमा
आफ्नो राष्टियता रचेर कबिता गोडौ कि यै देशमा

सष्टाको रुपमा असीम क्षमता बोकेर नेपाल यो
राम्रा सिर्जनका म देख्छु सपना मोडौ कि यै देशमा

(स्रोत : Damkdotcom)