~कमल प्रकाश पौडेल ~
बोल्ने नाममा चिनाजानी, पैले तिम्ले गरेकै हौ
तल देख्दा माथिबाट, गजल सुन्न झरेकै हौ ।।
कति नजिक सम्झी बोल्थ्यौ, आजभोलि टाढा मान्यौ
कैल्यै नविर्सने गरी, मनमा नाम भरेकै हौ ।।
तिमीबाट ठूलो आशा, मैले के नै राखेथेंर
तैपनि भाउ उकासी, कर्के आँखा तरेकै हौ ।।
तिमीसामु निहुरिन, मलाई पनि कर छैन
हिजो भेट्दा सामुन्नेमा, नजर अन्त छरेकै हौ ।।
छि वाई हैन’ भनेपनि, अहम् भाव लियौ क्यारे
मलाई गाडीभित्र देखी, अर्कै बस्मा सरेकै हौ ।।
नबोलेरै कस्ले यहाँ, जित्छ र हारेको देख्यौ
संसारमा मै महङ्गी, सोचे भ्रममा परेकै हौ ।।
–रचनाकालः–२०६३÷०७÷३०
(स्रोत : रचनाकारको ब्लगबाट सभार)
