~विरही काईला~
चौरस्ताको ठूलो हावाघर
छानामाथि
काग नराम्रोसंग कराएर गयो
त्यो पनि
कञ्चनजंघा हिमालसित
आँखा टाँसि बसेका
पर्यटकहरुको आँखा छलेर
महाकाल डाँडा उक्लिनेहरुले
पोखाएका अछता-चामल
टिपेर खान भेला भएका परेवाहरु
कागको कर्कशले हच्के र उडे
अलिक पर
घोडा सुमसुमाउँदै
पर्यटकलाई पर्खेर उभेका सइस पनि
एकछिन अल्लमल्ल परे
उसको त जिन्दगी भनेको
यै घोडा न हो !
(स्रोत : रचनाकार स्वयंले ‘नयाँ रचना पठाउनुहोस्‘ बाट पठाईएको । )
