~दीपक घिमिरे~
नाइँ नाइँ हँुदैन । अरु एक क्वाटर त थप्नुपर्छ यार ।
ओखरेले मान्ने वाला थिएन, उसलाई आज मात्ने गरी रक्सी पिउन मन लागेको छ सायद । तर मलाई खै किन हो आज रक्सी पिउन नै मन छैन । हुन त म प्रायः रक्सी पिउँदिन तर पनि आज त मेरो मुड नै छैन फेरि उसैको करले गर्दा पहिले नै एक क्वाटर खाइसकेको छु ।
मानिसहरु यो रक्सी या पीडामा पिउँछन् या त खुशीमा पिउँछन् । तर, मलाई आज मनको पीडामा पनि पिउन मन लागेको छैन । मन खुशी भए पो ओखरेसँग जिस्किदै पिउनुमा मजा आउने थियो । तर, पनि ओखरेले मलाई अर्को एक क्वाटर नपिउँदै जान दिनेवाला थिएन ।
“ओ ए रेश्मा एक क्वाटर रुस्लान भोडका लिएर आउ त”– ओखरेले पछाडिपट्टि उभिएकी होटेलको वेटर लाई इशारा गर्दै दुईवटा औंला देखायो ।
रक्सीको नसा अनि विदेशको अनुभव सुनाउँदै गर्दा म पनि मेरो पीडित जिन्दगीलाई बेला–बेलामा भुलिरहेको थिएँ ।
अघि होटलमा पस्नासाथ निक्कै सोझी देखिएकी अनि सिष्ट व्यवहार प्रस्तुत गरेकी रेश्मासँग मेरा नजरहरु जुध्दै थिए यतिबेला तर पनि म त्यसको नजरबाट आप्mनो नजर हटाउँदै आप्mनै धुनमा मस्त थिएँ । रक्सी नपिउँदै सोझो देखिने म पनि यतिबेला रेश्माको नजरले गर्दा बेला–बेलामा सोह्रवर्ष जवानी निकाल्दै मस्किएको त पक्कै पनि छु । सायद यस्तो हुनेरहेछ पीडालाई सजिलै भुल्न सकिने कारणले गर्दा त मानिसहरु पीडामा पनि रक्सी पिउँदारहेछन् । यतिबेला म अलिकति हल्का पनि भएको छु । पीडालाई पर राखेर रक्सीको नसामा व्यस्त हुने कोसिस गर्दैछु ।
“बस न रेश्मा बस, तिमी पनि हामीसँग नै बस के । आजै त हो रमाइलो गर्ने”– उत्ताउलो फेसनमा आधा अंग देखाउँदै हातमा रुस्लान भोड्काको बोतल लिएर आएकी रेश्माको हात समाउँदै ओखरेले आफूसँग बस्न अनुरोध ग¥यो रेश्मालाई ।
कति बेला सँगै बस भन्ला र बसुँला भनेर बाटो कुरेर बसेकी रेश्मालाई यो भन्दा सुनौलो अवसर अरु आउनेवाला थिएन सायद । ओखरेसँग टाँस्सिएर बसी । उनीहरुको चर्तिकला मैले हेर्न सक्ने अवस्थाको थिएन । त्यसैले मैले शिर निहुराएँ । नसामा चुर ओखरे र उत्ताउली रेश्माको हर्कत हेर्नसकिने खालको थिएन ।
अघिसम्म मैले ओखरेलाई गाली गर्थे केटीहरुको बारेमा गलत नसोच भनेर । उनीहरु कुनै न कुनै वाध्यताले गर्दा होटलमा काम गर्न आएका हुन्छन् तर तिनीहरु गलत हुन्नन् भनेर ओखरेलाई धेरै सिकाएको थिएँ तर यतिबेला मलाई ओखरे गलत हैन रेश्मा नै गलत हो जस्तो लाग्न थाल्यो । तर, पनि उनीहरुको उच्छृंखल बोली र हर्कतले मलाई मजा आइरहेको थियो । मुन्टो निहुराएर रक्सी पिउँदै उनीहरुको हर्कत देखेर म पनि बेला–बेलामा पीडा भुलेर हट भएको थिएँ ।
“ल हेर यो सोल्टा त कति लजालु हो बाइ । हामीसँग लजाउनु पर्दैन हो सोल्टा”– चिल्ली चिकेनको एक पिस काँटावाला चम्चाले खाँदै मलाई जिस्क्याई ।
“हा हा हा होइन–होइन किन लजाउनु नि”– तिनीहरुतिर हेरेर म बोलें । तर स्थिति हेरिसक्नु थिएन । म फेरि मुन्टो तलतिर फर्काएर बस्न वाध्य भएँ ।
मेरो मनमा पीडा छ । आर्थिक अवस्था कमजोरीको पीडा तर पनि आज म ओखरेको साथले गर्दा अलिकति खुशी छु अझ भनौं रेश्मा र ओखरेको चर्तिकलाले गर्दा म पनि बेला–बेलामा उत्ताउलो भएको छु । हट भएको छु ।
“ल डियर मेरो लागि एउटा बियर मगाउ न ल । म यो भोडका पिउँदिन क्या । अघि एउटा माडेसँग बसेर बियर पिएकी हुँ । अब भोडका पिएँ भने त कक्टेल भएर बमिट हुन्छ मलाई”– रेश्माले भोड्का नपिउने मनसाय देखाई । ओखरे पनि के कम थियो र । भर्खरै विदेसबाट छुट्टीमा घर आएको छ, विदेश मा दुःख गरेको पैसा जति पनि छ त्योसँग । अझ नगद नभए पनि उधारो चल्छ यो होटलमा ओखरेको । रेश्माको लागि एउटा बियर मगाइदियो ।
अघिसम्म वेटर गर्दै हाम्रो सेवामा तल्लीन रेश्मा यतिबेला हामीसँग बसेर बियर र मासु खाँदैछे । यति बेला रेश्मा पनि होटेल को ग्राहक बनेर बसेकी छे अनी उसको ठाउँमा काम गर्न अर्की उत्ताउली आएकी छ । उनीहरुको चर्तिकला देख्दा यस्तो लाग्छ कि ओखरेले पनि दुई महिनाको छुट्टी मोजका साथ बिताउने भएँ भनेर खुशी छ । रेश्मालाई अँगालोमा कसेर विदेसी चुम्बन गर्न ब्यस्त ओखरेको लागि पैसा ठूलो कुरा हैन अनि रेस्मा पनि ओखरेको अँगालोमा कस्सिन पाएर धेरै खुशी छे । धेरै पैसावाला लाउरेको अँगालोमा बस्न पाउनु रेश्माको कमाइको बाटो खुल्नु हो ।
पातलो कपडाको पर्दाले छेकिएको हामी बसेको ठाउँलाई अरुले देख्न नसके पनि ओखरे र रेश्माको उच्छृंंखल बोली सबैले सुनिरहेका छन् । अनि मलाई मजा पनि आएको छ यतिबेला । बेला–बेलामा मैले उनीहरुको हर्कत हेरेर म पनि उत्ताउलो अनि हट बन्दैछु ।
रातिको दश बजिसकेछ । मलाई अब त्यहाँ बस्न मन छैन । रक्सी त मैले अघि नै सकिसकेको थिएँ अब घर जानुपर्छ ।
“दाजी अब जाम यार दश बजिसकेछ”– नम्र भावमा मैले आग्रह गरें ।
“कमन यार दीपक । अरु रक्सी मगा न । आज मलाई रेश्मालाई छाडेर जाने मन नै छैन के प्लिज”– रेश्माको गालामा चुप्प म्वाइ खाँदै ओखरेले भन्यो ।
“ओए सोल्टा तिमी पनि मोज गर न । अघिको केटीलाई बोलाइदिउँ भन”– वियरको गिलास टेबुलमा राख्दै रेश्माले भनी ।
“नाइँ मलाई मन पर्दैन, बरु ओखरेलाई अब जानदेऊ न है”– मैले रेश्मालाई पनि आग्रह गरें ।
“यु क्यान गो दीपक । तर, आज त म मेरो रेश्मा डार्लिङसँग नुनु गर्छु, बरु भोली बिहानै मलाई लिन आउनु है त”– रक्सीको नसाले लरबराएको जीब्रोले मलाई बिदा ग¥यो ओखरेले ।
“ल ल हुन्छ त्यसो भए म गएँ है त । ल रेश्मा बाइ है”– म खुशी हुँदै बाहिरिएँ । उता रेश्माको अँगालोको सहाराले रेश्मा र ओखरे होटेलकै रुममा छिरे ।
म पीडित छु, कारण पैसा हो । ओखरे खुशी छ कारण
पैसा नै हो । लरबराउँदै बल्ल–बल्ल म मेरो रुममा आएँ ।
चामल छैन र भोक पनि छैन । रक्सी र मासुले नै पेट भरिएको छ । सुत्नलाई बिस्तारामा पल्टिएँ तर मनमा कुरा खेलिरह्यो । जीवनमा पैसा भयो भने कति मजा छ भन्ने आज ओखरेको जीवनयापनले देखाइदिएको छ मलाई । दुःखी भएर अभावमा जिएको जीवन पनि के जीवन यार भन्दै आफ्नो जीवनलाई नै धिक्कार्दै निदाउने कोसिस गरें ।
अर्को दिन बिहान ६ बजे ।
बिहानको ६ बजिसकेछ तर आज मलाई उठन मन नै छैन । न कलेज जानु छ न त अरु केही काम छ । त्यसैले यो जाडोमा सिरकमै गुटुमुटु परेर बसेको छु । टाउको दुखेको छ सायद रक्सीले गर्दा होला । छेउमा मोबाइल छ । साझा खबर सुन्न मन छ । एयरफोन जोडें अनि रेडियो खोले । ठीक्क ६ बजेको साझा खबर सुनाउँदैछ ।
हिजो राति माइती होटलमा छापा मार्दा यौनजन्य क्रियाकलाप गर्दागर्दै एक जोडी पक्राउ परेका छन् । दाङ जिल्ला घर भएका ओखर राउत र नवलपरासी घर भएकी रेश्मा आलेलाई गस्ती टोलीले रङ्गेहात होटलको कोठाबाट पक्राउ गरी हनुमानढोका प्रहरी कार्यालयमा हिरासतमा राखिएको खबर छ ।
म डराएँ । अघि जाडोले सिरकमा गुटुमुटु परेको मलाई यतिबेला खलखली पसिना आयो । हिजोरातिसम्म ओखरेको जीवनी देखेर डाहा गर्ने म यतिबेला त्यसको जिवनी देखेर चिन्ता लाग्न थाल्यो । यतिबेला बल्ल मलाई लाग्यो पैसाले सुख किन्न सकिन्छ तर इज्जत किन्न सकिदैनरहेछ । मलाई आप्mनै अभावको पीडित जीवन रमाइलो लाग्यो तर बेइज्जतिपूर्ण मोजमस्तीमा मजा रहेनछ जस्तो पो भान हुन थाल्यो ।
(स्रोत : Nayayougbodh)
