गजल : आफ्नै भाग्य सँग

~इप्सुल मगर~

वाझ्न मन लाग्छ कहिले त आफ्नै भाग्य सँग
नआउँदा कहिल्यै नी जीवनमा सफलताको उमाङ्ग

गरे झैं लाग्छ प्रयास आखिर गरेको पनि त हो नी
तर पोतीएकै छैन क्यार निधारमा खुशीको नै रङ्ग

थाहा छ मलाई संघर्ष हो जीवनको उपनाम हजुर
त्यसैले लडिरहेकोछु निरन्तर छ दिनको भावि सँग

जति पछार समय तैले चाहे ठगोस भाग्यले अति
अझै पनि हारेको छैन छ विश्वास मुटुमा अजङ्ग

हङकङ

(स्रोत : कविता कुसुम)