~इप्सुल मगर~
वाह ! आधुनिकताको क्या चाल छ
युवाहरुमा खाली कूलत र मायाँ जाल छ
रमिता हेर्ने भन्दा रमिता देखाउँने धेरै
त्यसैले त प्रत्येक विषयमा हड्ताल छ
आकाश छुने पझेरोले पुगेन रे कसैलाई
अझ पनि कुर्चीको लोभले वेहाल छ
अरुको त के कुरा भो यहाँ लोग्ने र स्वास्नी मै
महिनै पिच्छे सम्वन्ध बिच्छेदको गोलमाल छ
भरिएको रोचासँगै सफलताको गर्व गर्दा
र्इर्श्या र लोभ अनि व्दन्दले मर्ने कंकाल छ
हङकङ
(स्रोत : कविता कुसुम)
