~सुरेन्द्र खौलराठी~
लगन जुरी सक्यो, बिहेको सुरसार हुनेछ !
जति रोउ तिमी अब, उस्लाई हतार हुनेछ !
जीवनभरी साथ दिने, साथी मिलोस तिमीलाई,
दैव संग संधै मेरो, बिन्ती पुकार हुनेछ !
भुली दिनु मलाई, नयाँ संसार सजाउनु,
मेरो लागी यो नै, तिम्रो उपहार हुनेछ !
भेट्ने कुरा नगर, देख्नै पाउने छैनौ,
हाम्रो बिचमा समाज, अब दिवार हुनेछ !
नकोट्याउ अतितलाई, न तड्पाउ अभागीलाई,
तिम्रो याद नै मुटू रेट्ने तरवार हुनेछ !
(स्रोत : Himalayamail)
