~टंक वनेम~
जराहरु मक्किएर
काण्डहरु नफले पछि
त्यहि रुखका पातहरु
त्यहि रुखका डाँठहरु
त्यहि रुखका काठहरु
अर्को शब्दमा-
रगत जस्तै रातो देखिने
बाशनादार रक्त चन्दन
अरनिको राजमार्ग हुँदै
खासा पुग्छ अचेल
र
साट्छ अराजकताको भाउ ।
त्यहि भाउको रङ्ले
राजतन्त्रको रङ् पोत्छ
र
उर्माछ गणतन्त्र भूमीमा
क्याकटसका काँडाहरु
घोंच्न थाल्छ
जनताको मुटु कलेजो
रातो रगत र
रक्त चन्दनमा फरक छैना भने
किन हुदैछ ?
रगतको रातो ब्यापार
किन मौलाई रहेछ ?
भ्रष्टाचारको कालो झयाङ ?
किन चुली रहेछ ?
क्रय-विक्रयको माना पाथी ?
प्रशोधन भएर सुटुक्कै
किन दलिन्छ ?
सुकुमारी गालामा
रगत जस्तै रातो
रक्त चन्दन ?
हाल – वेष्टमिडल्याण्ड्, वेलायत
(स्रोत : कविता कुसुम)
