~चन्द्र कुवँर ‘चन्द्रमा’~
लागिग फागुनको मैना , गयो धर्मी माघ ।
मेरो खबर सुनाई दिनु , दैला बास्न्या काग ।।
डाँडा छैकी खोला छैकी , काँछै मुँगा माल ।
कलेजी कटाउन लाग्यो , तेरो माया जाल ।।
तेरो आउन्या मेरो जान्या , दो बाटो हुन्लाग्यो ।
जती जती छुट्टिन लाग्याऊ , उति मन रुन्लाग्यो ।।
एक डाको मायाको लाउनु , याँ मुम्बई सुन्निन्या ।
काँ होला सागुरो बाटो , माया जाल थुन्निन्या ।।
मुम्बई आउन्या रेलगाडिका , पैया गुडनलाग्या ।
काँ छै मेरी रानी चडा , चेत कान उडनलाग्या ।।
चन्द्र कुवँर ” चन्द्रमा ”
बुढाकोट ५ , अछाम ।
बसाई धनगढी , हाल – मुम्बई बाट ।
(स्रोत : फेसबुकको ‘फेसबूक देउडा समाज’ समूहबाट )
