~बलदेव भट्ट “बिहानी”~
यातनाका कथा चित्र हरु भित्र नियाल्दै
घामका पाइला संग सुस्केरा हाल्ने
सर्बहाराहरु को साम्राज्य सुर्तिका बोटमुनी बाट लुटियेपछि
चौर आँगन मा लीलाम उन्मुक्तिको आवाज कोर्ने
सपूत हरु का खोजी भित्र मेरा आँखाहरु हराउछन||
कालो इतिहास भित्र बाट उछिटिएका बर्तमानहरु
झलमल्ल सुन्केशरि लिएर आउछन
देश दोरण भित्र रामाउने रातका ब्वासाहरु
हत्केलाले घाम छेक्दै अन्धकारको खोजी मा सल्बलाए पछि
चौर आँगन मा लीलाम उन्मुक्तिको आवाज कोर्ने
सपूत हरु का खोजी भित्र मेंरा आँखाहरु हराउछन||
सुमधुर देशको साहित्यबोकी हिंद प्रदेश हिड्ने गद्दारहरु
टेम्केका डांडातीर पुगे पछि थकित हुँदै जान्छन
सुन्दरीजलतीर का चिहानहरू एकाएक बिउझियेपछि
अत्तालियेर राष्ट्र भाषा नै भूल्ने त्रिदंडीहरु का बिरुद्ध
चौर आँगन मा लीलाम उन्मुक्तिको आवाज कोर्ने
सपूत हरु का खोजी भित्र मेंरा आँखाहरु हराउछन||
जीवनको हूरी कछाड को प्रयायी हैन
गरीबी भित्रै बाट उन्मुक्ति का आवाज बुलन्द गर्ने
राष्ट्र नायक हरु पनि आजका रात बिलायेपछि
चौर आँगन मा लीलाम उन्मुक्तिको आवाज कोर्ने
सपूत हरु का खोजी भित्र मेंरा आँखाहरु हराउछन||
बलदेव भट्ट “बिहानी”
रोचेस्टरपार्क, सिंगापुर
(स्रोत : Mysansar.com)
