~बिटु केसी बराल~
इच्छा शक्ति बुलंद भए
के नहुने रहेछ ?
मसक्क आँट्यो भने
नेपालीले के नपुग्ने रहेछ ?
जुटको बन्धन कसिलो पारी
अघि बढेको बेला
पैतालाको वेगळे
तिमीले संसार जितेको बेला
आत्मविश्वासलाई जितेपछि
संसार के जटिल रहेछ ?
खुशी आफु भित्रै समेटेपछि
हाँसो के गाह्रो रहेछ ?
कोतरेर लेउ फालेपछि
दुर्गन्ध हराएको बेला
ऐनाको कालो दाग
पुछिएको बेला
ए; देश खेल्ने खेलाडी हो !
मुलुकका सारथी हो !
ईमान जमान मान
गाँठी कुरो जान
बुझ्नु पर्ने हो अब त
चाहे के नहुने रहेछ ?
छाति फुकाई हिड्न
के गाह्रो रहेछ ?
कस्तो होला विकासको झण्डा
फरफरिएको बेला ?
सुनौलो त्यो ” गोल ” होला
देशले काँचुली फेरेको बेला !!
(स्रोत : Ehubnepal.com )
