~सुशिल गौतम~
सुन्दर बिहानीको कल्पना गर्दा गर्दै
फिस्स उडेको मांसपिण्डका आशहरु
कल्पना कै भग्नावशेषले थिचेर
गतिहिन ढलिरहेका यि हुन
भोका प्यासा लाशहरु ।
बाचुन्जेल चिच्याएका भोका क्रन्दनमाथि
निर्लज्ज मुकदर्शक समाजहरु
मानविय सहायताको चाहना त्यागेर
इश्वर सामु लडेका यि हुन
भोका प्यासा लाशहरु ।
न्यानो कपडाको अभाव मै
सिरेटोले शरीर चुमेका मृत्यु अघीका दिनहरु
मृत्योपर्यन्त सुकिलो कात्रो मुनी
बाक्लो चिताको तापमा निदाएका यि हुन
भोका प्यासा लाशहरु ।
तिखो तिरस्कारबाट तृप्त
मुक्ती मार्ग खोजिरहेछ,बिर्सेंर भौतिक मोहहरु
मिथ्या शरीर आत्मसमर्पन गर्दै
ब्रम्हनालमा उधोमुन्टो तेर्सिएका यि हुन
भोका प्यासा लाशहरु ।
April 19th, 2009
(स्रोत : Mysansar.com)
