~सुविद गुरागाई~
जानी–नजानी माया लाएको तिम्रै लागि त हो नि !
रहर–रहरमै दुःख पाएको तिम्रै लागि त हो नि !
हुने के होला, भन्नु कसरी, आंसु खस्ने पो हो कि ?
डराइ–डराई छेउमै आएको तिम्रै लागि त हो नि !
एक्लै बांचुलां जोगी बनुलाँ अरू सक्दिनं सोच्न,
हुने–नहुने कसम खाएको तिम्रै लागि त हो नि !
पागल भनिएं, हुस्सु भनिएं, बुझ्ने भएन कोही,
सधैं एउटै गजल गाएको तिम्रै लागि त हो नि !
०००
(इटहरी–२, हलगडा, सुनसरी)
bisnuprasad.bg@gmail.com
(स्रोत : रचनाकारको ब्लगबाट सभार)
