~बिना तामाङ’सुनगाभा’~
भत्काएर मेरो स्वर्ग,तिम्रो धर्ती टेक्नु छैन अब
खोपीखोपी तिम्रो दिलमा मेरो नाउँ लेख्नु छैन अब
जून हुँ म आफै उज्याली छु चाहिदैंन तिम्रो प्रकाश
जाउ बरु यहाँबाट कालो रात देख्नु छैन अब
जन्मे एक्लै मर्छु एक्लै संसारको नियम हो यो आखिर
दु:ख दर्द जे पर्छ सहन्छु केहि छेक्नु छैन अब
चिसो मुटु चिसो सम्बन्ध हामी बीच रहेपछि
चिसिएको उस्तै हाम्रो नाता भैगो सेक्नु छैन अब
बिना तामाङ’सुनगाभा’
काठमाण्डौं
