~विज्ञान काफ्ले~
बेवास्ता भो जनताप्रति न त वास्ता देश माथि,
यस्ता नेता निर्मूल पारौं देश बनाउन जुटौं साथी |
पिल्सिने र दु:ख भोग्ने हामी सबै जनता हौँ,
यिनका चलखेल राज्य माथि अब यसलाई रोकौं साथी |
संघियता, स्वतन्त्रता, अधिकारका मिठा कुरा,
गुलियोमा नभुलौं है आफ्नो पहिचान रोजौं साथी |
नीति, नियम, अनुशासन, उत्तरदायी, जिम्मेवारी,
अनपढ नेता बुझेनन् खै पढाउनलाई उठौं साथी |
देश बने हामी बन्छौं भन्ने सोच बनाऔं अब,
आफु मात्र बन्ने नेता आजै देखि भूटौँ साथी |
लेखा जोखा केहि भएन जनताको योगदान माथि,
देशका निम्ति मर्ने संगै यी नेतालाई पुरौं साथी |
राज्यको त्यो ढुकुटी र श्रोत माथि अपचलन,
अधिकार कटौतीलाई आजै देखि जुटौं साथी |
आश्वासन फोस्रो अनि न्याय पनि विसंगति,
सबै माथि न्याय दिलाउन आजै देखि उठौं साथी |
नेता प्रति अनुयायी अन्धकार भो बिगत भरि,
नयाँ बिहान ल्याउनलाई नयाँ मान्छे खोजौं साथी |
नयाँ बिहान ल्याउनलाई नयाँ मान्छे खोजौं साथी |
बिबिका
सिड्नी, अस्ट्रेलिया
(स्रोत : Mysansar.com)
