~जे.बी. शेर्पा ~
शरद को आगमन संगै ,
रुखपात हरुले जब रंग फेर्दै …..पहेँलो ..रातो …!!
डाँडै भरी, पाखै भरी ,
लाग्छ , प्रकृति ले पनी यही रंग मन परायो …!!
…..त्यसैले आज मलाई तिम्रो धेरै याद आयो ..!!!
शिरमा सेता शिखर हरु बोकेर ,
पाखा र फेदी अनि भंज्यांग हरु मा,
पहेँलै, रातै रंग हरु दलेर ,
मंद गतिमा कलकल गर्दै जब खोल्छा र खोला हरु ले गीत गायो ….!!
…..मलाई तिम्रो धेरै याद आयो …!!!
स्वच्छ बतास , नील गगन संगै ,
गौथली को बथान आकाश मा कावा खाँदै ,
घरी माथी घरी तल , यता उती ,
लाग्छ , गौथलीले पनि यही मौशम मन परायो ,
….. त्यसैले मलाई तिम्रो याद आयो …!!!
शरद ऋतु को वन भित्र , पात हरुको स्वरांग- स्वरांग संगै ,
सुसेल्दै ,गाउँदै, रमाउँने ..
मान्छे अनि पशुपंछी हरु ,
लाग्छ सवैले यही याम मन परायो ,
…… त्यसैले मलाई तिम्रो याद आयो….!!!
मधुरो घामको न्यानो राप संगै ,
रंग फेर्दै गरेको फुल-बुट्टे चउरै भरी , लम तन्न उत्तानो सुतेर,
आकाश र सेतो बादल संग भुल्ने हरुले ,
शायद यही ऋतु मन परायो !!!
…….त्यसैले मलाई आज ….तिम्रो धेरै धेरै याद आयो… !!!!!
जाङबु (जे.बी.) शेर्पा
एंटवर्प , बेल्जियम
