~शिरिष पराजुली~
म चाहन्छु,
वैभव यश आराम
जीवनको सम्पूर्ण परिभाषा
अर्थ भित्रको अर्थ
मूल्य र मान्यता
केवल भानमा सिमित रहेछन्
अनि रहन्छ खोक्रो अस्तित्व
देश संग सामन्जस्यता
म चाहन्छु,
मातृत्व र भातृत्वको प्रभात
यही धर्तीको सुवास
अनि सुवास भित्र
विकास र उधम
गुन्जाएस छैन कुनै
म मख्ख छु आफैमा
आश्रित देश
परजीवि अनुहार
म चाहन्छु,
फूल फूलाउने पाखा
दु:ख भुलाउने भाखा
अनि कुरीति
आफै बिलिन हुनेछ
पर्ख मात्रै समय कुर्नु को धेर छ ॥
(स्रोत : रचनाकारको ब्लगबाट सभार)
