~झग्गुराम झर्बरासी~
त्यतिका मान्छे आन्दोलनमा मारेर
के नै पो लछा¥यो खै ?
जब कि अनियन्त्रित महँगीको मारमा
जनता परिरहेछन्
भविष्य अनिश्चित देखिरहेछन्
कविहरुले सडकमा
वेद पाठ गर्दैमा
के नै पो लछार्यो खै ?
जब कि हुल्याहा र फटाहाले
रजाइँ यत्रतत्र गरिरहेछन्
प्रगतिशील भनाइँदो सिद्धान्त
पार्टीले अनुशरण गरेर मात्र
के नै लछा¥यो खै ?
जब कि रात र दिनको
दन्तबझाइमा
दुनियाँ रुमलिइरहेछन् ।
भित्री नियत सफा नभएपछि
कुनै पनि काम सार्थक हुँदोरहेनछ
स्थिति सुधारको बाचाले पनि
केही काम दिँदो रहेनछ
जबकि हर विश्वासमा
देशबासीले धोका पाइरहेछन्
यसैले बाध्य भएर
भन्नु परेको छ हामीले
यहीँ हर कुरा स्वाँग भएर आउँछ
छट्टुहरुको क्रियाकलाप,
भ्वाङ भएर बिलाउँछ
(स्रोत : श्री रुपरेखा)
