~सुवास कोइराला~
अब त त्यो गाउँको माटै बसाइ सर्छ होला ।
शहर पसे बटुवा सब बाटै बसाइ सर्छ होला ।
पसिना र पाखुरी सब मुग्लान तिर बिक्रि भए ।
खेती गर्न मान्छे खोज्दै फाँटै बसाइ सर्छ होला ।।
बाँझै भए पाटा बारी उजाड झै लाग्छन् सबै ।
अब त हली खोज्दै पाटै बसाइ सर्छ होला ।
ओच्छ्यान बाट बुढा बाबु खै छोरो भनिराछन् ।
अब त छोरो खोज्दै खाटै बसाइ सर्छ होला ।
मान्छे म¥यो भने यहाँ मलाम जाने छैन कोही ।
लास खोज्दै खोज्दै अब घाटै बसाइ सर्छ होला ।
(स्रोत : श्री रुपरेखा)
