~विचित्र मुल्मी~
मीठो मसिनो कुरा बकेर
राष्ट्रिय व्यक्तित्व कहाइनुभन्दा
विकार र विकृति विरुद्ध लडेर
अप्रिय व्यक्ति भनाइनु नै
अहिलेका लागि धेरै बेस ।
तारिफजीवी त यहाँ
निकै नै देखिन आउँछन्
शण्ड मुशण्ड बनी जो देखाप-यो
उसको महिमा गान गरी
श्रेय कमाउनेहरुपनि पाइन्छन्
इस्ता महिमागानी भन्दा
ब्रु नादानी स्वीकारेर
पर्दाफास गर्नेहरु नै
अहिलेको लागि धेरै बेस ।
अन्याय र दुराचारले पीडित
जनसमूह देख्दादेख्दै
शुभ भविष्यको संकेत बताउने
लुच्चा र फटाहाभन्दा
छिचरा अर्घेले बन्नु नै
अहिलेका लागि धेरै बेस ।
(स्रोत : श्री रुपरेखा)
