~बिना तामाङ’सुनगाभा’~
घरि आँखा सन्काउँछ घरि माया जताउँछ
साँच्चै माया गर्छु भनि ईशाराले बताउँछ
जता जान्छु उतै आई मर्छु भनि घुर्क्याउँछ
अघिपछि लाग्दै उ निक्कै मलाई सताउँछ
पक्कै पनि कि त उ अन्जान छ कि त पागल छ
कैले खुबै रिसाउँछ कैले खुबै हसाउँछ
अधैर्य त्यो प्रेम उस्को प्रदर्शन गर्छ यस्तो
मानौ जूनको चाह गर्दी हुँ त ऐले उ खसाउँछ
सामिप्य यो दुख्छ बिझ्छ भन्ने सबै बिर्सिएर
टेक्दै काँडा टिप्छ गुलाब यस्मै उ रमाउँछ
बिना तामाङ’सुनगाभा’
काठमाण्डौं
