~निशा प्रतीक्षित~
यतातिर नहेर्नु घरिघरि, मैले भनिदिएकी छु
गर्न पाउनेछैनौ मनपरी, मैले भनिदिएकी छु
अलिकति ठाउँ खाली हुँदा छेउमै बस्न आइपुग्यौ
केही गर्न दिन्न नजिक सरि, मैले भनिदिएकी छु
भयो कुनै जिद्दी गर्दै नगरे हुन्छ मसँग तिमिले
जादैँ जान्न म प्यारको नगरी, मैले भनिदिएकी छु
सधैं सधैं तिमी यसरी हतारीन्छौ र त रिस उठ्छ
पर्ख!अघि बढौला न सुस्तरी, मैले भनिदिएकी छु
कति मिठो आभास हुनेछ बर्षात हुँदा पिरतीको
हामीसँगै रमाउनेछ झरी, मैले भनिदिएकी छु
(स्रोत : साहित्य सन्दर्भ)
