~स्वप्निल स्मृति~
अझै त म हारेको छैन
जिन्दगीको सेक्मुरी फूल
मुर्झाएको छैन !
धुलोबाट उठेको म धुलैसरी ढलेँ हुँला
यसको अर्थ फेरि कैल्यै उठ्न नसक्ने म हैन
कदम–कदममा छ कम्पन, अझै कति ढल्नु होला !
केहीछिन रोकियुँला तर हिँड्न छोड्ने छैन
अझै त म हारेको छैन
तर्सें हुँला हिउँपहिरोले शीरको चोमोलुङ्मा काँप्दा
यसको अर्थ जिउँदै छु म सातो हराएको छैन
फाट्यो होला धर्ती पनि, मनको आकाश खस्यो होला
तर, अझै जिन्दगीको बाटो हराएको छैन
अझै त म हारेको छैन
(स्रोत : Esamata)
