गीत : नहारेकै जाती

~रेशमकुमार सुनुवार~

जिन्दगीमा सधैंभरि नहारेकै जाती
सास हुन्जेल आशा नमारेकै जाती

कहिले चढ्यो शिखरमा कहिले तल झर्‍यो
बग्दै जाँदा समय त्यो ऊ त छक्क पर्‍यो
आफै ले आफै लाई मारमा नपारेकै जाती
सास हुन्जेल आशा नमारेकै जाती

सबैजना बूढो हुन्छन् यो संसारको ठिटो
छक्क पर्छन् सबै मान्छे बित्दा समय छिटो
बिनाअर्थ सबको सेखी नझारेकै जाती
सास हुन्जेल आशा नमारेकै जाती

(स्रोत : Ghatanarabichar)